Жастар ресурстық орталығының ұйымдастыруымен «Зорлық-зомбылықсыз 16 күн» акциясы аясында Шымкент қаласының жұмыспен қамту және әлеуметтік қорғау басқармасы «№3 Арнаулы әлеуметтік қызметтер көрсету орталығында» дөңгелек үстел өтті. Зорлық-зомбылық — жеке тұлғаға қол сұқпаушылық, (тәндік және рухани мағынада) туралы азаматтардың құқын бұзатын бір адамның екінші адамға тәндік немесе психикалық ықпал етуі. Түрлі тәсілдермен ұрып-соғу, дене жарақатын салу, азаптау (азапқа салу және денсаулыққа зиян келтіру); адам психикасына (жүйкесінің тозуы немесе тіпті жынданып кетуін тудыруы мүмкін) қорқыту, тәнге жарақат салу катері жолымен ыкпал ету және т.б. Зорлықзомбылықты қолдану аркылы жасалған қылмыс, қылмыстық жауапкершілікті ауырлататын мән-жай болып табылады.
Акцияның негізгі мақсаты — қоғам назарын екі шұғыл проблемаға аудару: тұрмыстық зорлық-зомбылық пен адам саудасының алдын-алу және оған қарсы іс-қимыл, сондай-ақ мемлекеттік мекемелер мен қоғамдық бірлестіктердің адам құқықтарын қорғау бойынша күш-жігерді біріктіру қызметін жандандыру.
Дөңгелек үстелге Абай, Әл-Фараби, Еңбекші және Қаратау ауданы әкімшілігінің қызметкерлері мен полиция басқармасының «Әйелдерді зорлық-зомбылықтан қорғау» тобының инспекторлары, «Сана-сезім» әйелдер басқармасының құқықтық орталығы қоғамдық бірлестігінің өкілі Балнұр Сүгіралиева, «Ана үйі» қоғамдық бірлестігінің координаторы Қалдар Жұмабаева, Шымкент қалалық Қазақстан халқы Ассамблея жанындағы медиация кеңесінің төрайымы Лаура Ақшегірова, №78 жалпы орта мектебінің психолог маманы Жанат Мамадиярова және «Bilim Land» мектебінің мамандары қатысты.
“Зорлық-зомбылықсыз 16 күн” акциясын өткізу кезеңінде заманауи инновациялар мен кәсіби біліммен, практикалық тәжірибемен алмасу арқылы қоғамның назарын зорлық-зомбылыққа қарсы белсенді іс-қимыл шараларын жүргізу қажеттілігіне аудару қажет, өзінің лауазымдық және қоғамдық өкілеттіктері шеңберінде үнемі әлеуметтік қорғауға мұқтаж адамдарға нақты көмек пен қолдау көрсету қажет”, – деп атап өтті жиынға қатысушылар.
