Шымкентте «7 мамыр – Отан қорғаушылар күні» мерекесіне орай «Жеңілатлетикалық манеж» спорт кешенінде Қазақ күресінен республикалық «Қазақстан Барысы» турниріне іріктеу жарысы өтті. Сайыстың мақсаты бұқара халыққа ұлттық спорт түрлерін насихаттау, жастар арасында қаламыздың ең мықты балуандарын іріктеу. Додаға 18 палуан қатысып, құрыш білектерімен бақ сынасты. Додада әлем чемпионатының жеңімпазы Ерсұлтан Мұзаппаров бұл жолы іріктеуден сүрінбей өтіп, бірінші орынды иеленді және респубикалық турнирге жолдаманы жеңіп алды. Ақтық сынға шыққан бұл палуан шілде айында Астана қаласында өтетін қазақ күресінен «Қазақстан Барысы» республикалық турнирінде өңіріміздің намысын қорғайтын болады.
Байрақты бәсекеге 11 мемлекеттің құрыш қолды, тақымы тастай палуандары қатысуға ниет белгілі болып отыр. Бұл жоба Қытай, Ресей, Түркия, Венгрия, Ауғанстан, Қырғызстан, Тәжікстан, Өзбекстан, Әзірбайжан, Моңғолия және Қазақстанның сайдың тасындай іріктелген спортшылары арасынан Азия құрлығындағы аударыспақтан ең мықты палуанды анықтайды. Чемпионат 70 келіге дейін, 90 келіге дейін және 90 келіден жоғары салмақ дәрежелері бойынша өтеді. Әр команда ұсынған білекті палуандар арасында абсолютті чемпионның «Алтын белбеуі» сарапқа салынады. Таныстырылым барысында, абсолютті чемпионның «Алтын белбеуі» мен спортшылардың киім үлгісі таныстырылатын болады. Мемлекет басшысы Қасым-Жомарт Тоқаев бұқаралық спорт туралы: «Спорт инфрақұрылымының балалар үшін барынша қолжетімді, бұқаралық дене шынықтыруды өркендету ісі жаңа чемпиондар шыңына шығатын пирамидаға айналуы тиіс», — деген болатын. Жалпы қазақ күресі Шымкент қаласының 4 спорт мектебінде дамып келеді. Бұл спорт түрімен қалада 500-ге жуық спортшы кәсіби түрде шұғылданады. Шымкент қаласы әкімінің баспасөз қызметі
