16 ақпан күні Шымкент қалалық тілдерді дамыту бөлімінің ұйымдастыруымен өткен “Көркем сөз шеберлері” байқауының ақтық сынына 6506 әскери бөлімінің әскери қызметшілері катардағы жауынгерлер Смағұл Жасұлан мен Санатұлы Дінмұхаммед өз өнерлерін көрсетті.
Сонымен қатар бұл байқауға жоғары оқу орындарының студенттері, кітапхана меңгерушілері де қатысты. Қазақтың үш бәйтерегі С. Сейфуллин, Б. Майлин, І. Жансүгіровтің поэзия, проза, драмалық шығармаларын оқып сынға түсті.
Байқаудың басты мақсаты — мемлекеттік тілдің қолданылу аясын кеңейту, мемлекеттік тіл саясатын кеңінен насихаттау, талантты жастарды жан-жақты көтермелеу болды.
Сайыс қорытындысы бойынша Санатұлы Дінмұхаммед 3-орынды иеленсе, Смағұл Жасұлан бас жүлдені иеленіп, Республикалық байқауға жолдама алды.
ЖАУЫНГЕРЛЕРДІ ЖҮЛДЕЛІ ОРЫНДАРЫМЕН ҚҰТТЫҚТАЙМЫЗ!
