Шымкент қаласы туризм және сыртқы байланыстар басқармасына қарасты «Visit Shymkent» туристік ақпараттық орталығының ұйымдастыруымен гид-экскурсоводтар мен қонақ үй қызметкерлеріне арналған семинар-тренинг өтуде. Іс-шараның басты мақсаты — туризм саласындағы мамандардың қызмет көрсету сапасын жақсарту және білімін жетілдіру. Туризм саласындағы мамандарды оқытатын білім беру және жоғарғы оқу орталықтарындағы мүмкіншіліктер саны көбеюде. Ел арасындағы туристтер саны көбейген сайын мамандар санында көбейту туралы шаралар қолдануда.
Семинар тренингті бизнесті дамыту бойынша кеңесшілер, сату және брендті нарықта ілгерілету, топ позицияларында ұзақ жұмыс өтілі бар сертификатталған Түркия, БАӘ, Өзбекстан елінен келген шетелдік коуч мамандар мен жергілікті білікті практиктер жүргізуде. Аталған мамандар экскурсия жетекшілеріне саладағы жаңа әдістер, өзге елдер практикасы мен гидтердің негізгі қасиеттері туралы айтса, қонақ үй әкімшілеріне менеджмент, нақты нәтижелерге қол жеткізу секілді ақпараттар беруде.
«Шымкентке биыл 3 айда 97 501 турист келген. Бұл көрсеткіш өңірімізде туризм саласының қарқынды дамып жатқандығын айқындайды. Келген туристі алдымен күтіп алатын қонақ үй өкілдері мен олардың қаланы танып-білуде экскурсия жүргізушілерінің біліктілік дәрежесі аса маңызды. Бүгінде Шымкентте арнайы білім бар, сертификатталған 80-ге жуық гид-экскурсовод бар. Сала өкілдерінің білімдерін жетілдіру арқылы қаланың туристік әлеуетін көтере отырып, туристердің сапалы демалуына жағдай жасаймыз» — дейді «Visit Shymkent» туристік ақпарттық орталығының жетекшісі Ерлан Умаров.
Аталған семинар-тренинг 5 күнге созылмақ. Шара соңында қатысушыларға сертификат табысталады.
Шымкент қаласы әкімдігінің баспасөз қызметі
