Құрметті қала тұрғындары!
Шымкент қаласының әкімдігі “Менің гүлді аулам” атты конкурстың басталғанын хабарлайды!
Менің гүлді аулам — бұл көпқабатты үй тұрғындарының өз аулаларын гүлдермен безендіруге арналған конкурс. Жеңімпаздар қомақты қаржымен марапатталады. Атап айтқанда:
1 орын — 3 млн.;
2 орын — 1 млн.;
3 орын — 500 мың теңге.
📝 Критериялар:
1. Ауланы көгалдандыру, гүлзарлар мен сәндік ағаштар егу және оларды үнемі тазалап, бұталар мен ағаштарға уақытылы күтім жасау, кесу (отырғызылған гүлдердің 25 %-ы қызғалдақ болуы қажет және қызғалдақ жанында көпжылдық гүлдер отырғызылу қажет);
2. Тұрғындардың аула аумағында көгалдандыру, абаттандыру, тазалық пен тәртіп сақтау, сенбілік жасау, ауланы эстетикалық безендіру жұмыстарына белсене қатысуы;
3. Құрғақ және зақым келген ағаштардың болмауы;
4. Абаттандыру (аула аумағын сырлау, бояу, кіре-берістің (подъезд) жағдайына да мән беру және т.б);
5. Фестивальдің жалпы тақырыбын ашу;
6. Аумақта атқарылған жұмыстар бойынша презентация және әлеуметтік бейнеролик;
7. Дизайнын әрлеуде креативті тәсілдер қолдану;
8. Суару жүйесі мен гүлзарларға күтім жасаудың оңтайлы шешімін табу;
9. Минералды тыңайтқыштарды қолдану;
10. Жалпы сметалық шығыс.
Қала көркіне сән беріп тұрған гүлдердің дені — шырайгүлдер. Олар сәндік өсімдіктер қатарына жатады. Күтім талғамайды, көктемнің суығына, шілденің ыстығына шыдайды. Сондықтан олар жаз бойы қала саябақтары мен гүлзарларына сән беріп тұрады
Өтінім бүгіннен, яғни 1 қазаннан бастап қабылданады. Жеңімпаздар 2023 жылдың сәуір айында белгілі болады. Қатысу және толық ақпарат алу үшін @Visitshymkent парақшасынан білуге немесе “Visit Shymkent” туристік ақпараттық орталығының +7 701 102 17 17, +7 702 109 17 17 нөмірлеріне хабарласуға болады. Өтінім беру үшін: “visit-shymkent.kz” сайтына өтіңіз.
