Шымкент қаласында алғаш рет Жастар ресурстық орталығының ұйымдастыруымен,«Sport Villa» ойын-сауық кешені және «Rafe» ресторан басшысының қолдауымен картинг спорттық жарысы «Jas Team Kart» жобасы аясында өтті.
«Sport Villa» ойын-сауық кешенінде өткен турнирге жоғары оқу орындарынан 35 қатысушы жиналды.
Бүгінгі өткен картинг спорттық жарысына 7 команда өзара сайысқа түсті. Ойынның шарты бойынша қатысушылар 3 айналымды еңсеріп, 5 минутта мәреге жету керек.
— Бүгінгі картинг спорттық жарысына ОҚМПУ студенттерінің арасынан команда жасақтап келген болатынбыз. Осындай керемет жарысқа бірінші рет қатысып, сайысқа түстік. Ойын барысында жаңа орта тауып, спорт саласына өз үлесімізді қостық деп ойлаймын. Тартысты ойынға қатысуымызға мүмкіндік берген Жастар ресурстық орталығына студенттердің атынан алғыс айтамын, – деді ОҚМПУ студенті Бақберген Мұратұлы. Жастар арасындағы спорттық жарыс үшін дайындалған ойын-сауық кешеніне үлкен алғысын білдіріп, марапаттау қағаздарын берді.
Жарыс жолында тартысты ойын көрсеткен шеберлер орталық басшысы М.Исаховтың арнайы диплом және кубоктарымен, қалған қатысушыларға қатысқаны үшін арнайы алғыс хаттармен марапатталды. Жарыс студенттер арасында болғандықтан олардың қызығушылығын арттыра түсетін спорт түрі ізденген болатын. Ұйымдастырушылардың айтуы бойынша, болашақ жастардың қолында екенін және оларды қолдай білу де керек екенін айтты.
Бүгінгі жарыста бірінші болып мәреге жеткен Онтүстік Қазақстан Мемлекеттік педагогикалық университетінің студенттері.
Екінші орынды М.Әуезов атындағы Оңтүстік Қазақстан университеті жастары иеленсе, үшінші орынға Ж.Тәшенев атындағы университет университетінің студенттері иеленді.
«JAS TEAM KART» ЖОБАСЫ БАСТАЛУЫ
