«Нұрлы көш» пилоттық бағдарламасы арқылы алған баспанасын бүгінде 613 азамат Отбасы банк арқылы ипотекалық несие негізінде рәсімдеп, бағдарламаның талап шартын орындады. Аталған тұрғын үйлер Асар шағын ауданында орналасқан.Ондағы 975 тұрғын үй «Нұрлы көш» пилоттық бағдарламасы аясындағы баспаналар болып табылады.Бұл тұрғын үйлер 2010-2012 жылдар аралығында бағдарлама шеңберінде Асар шағын ауданында Өзбекстан елінен келген қандастарға сатып алу құқығымен 8 жылға жалға берілген болатын. «Нұрлы көш» пилоттық бағдарламасы аясындағы баспаналарды тұрғындар банк арқылы несиелік негізде рәсімдеулері қажет. «Нұрлы көш» пилоттық бағдарламасы аясында 975 пәтер иелерінің баспаналары сатып алу құқығына ие. 2010-2011 жылдары аралығында «Нұрлы көш» пилоттық бағдарламасы аясында Өзбекстан елінен келген қандастарға бюджет есебінен Асар шағын ауданынан 975 тұрғын үйлердің құрылысы жүргізіліп, пайдалануға берілген болатын. Осыған орай Шымкент қаласының тұрғын үй басқармасының, Қаратау ауданы әкімдігінің, «Отбасы банк» ШҚФ-ның, «Шымкент күрделі құрылыс» ЖШС-нің, «Ел-Аманаты» қоғамдық бірлестігінің өкілдерінің қатысуымен «Нұрлы көш» мемлекеттік бағдарламасы бойынша бағдарлама қатысушыларының арасында «Асар» шағын ауданынан берілген тұрғын үйді сатып алу құқығымен жалдау шарттарының талаптары бойынша түсіндіру жұмыстары жүргізілді.Айта кету керек, Бағдарлама операторлары ретінде Шымкент қаласының тұрғын үй басқармасы және «Отбасы банкі» АҚ-ы болып табылады. Тұрғын үйлер бағдарлама қатысушы азаматтарға сатып алу құқығымен 8 жылға жалға беріліп, жалдау шартының талаптарына сәйкес, тұрғындар аталған банктің арнайы депозит шоттарында белгіленген көлемде салымдар (жинақ жарналарын) салып отыруы тиіс. Бүгінгі таңға дейін Шымкент қаласы бойынша 104 азамат мерзімінен бұрын жинақтау шартын орындап, жеке меншігіне аударған.
Алдағы уақытта бекітілген іс-шаралар жоспары аясында, «Отбасы банк» АҚ ШҚФ, Қаратау ауданы әкімі аппараты, «Ел-Аманаты» қоғамдық бірлестігімен бірлесе отырып, тиісті жұмыстарды одан әрі жандандыру көзделуде.
