Сауран ауданына қарасты Оранғай ауылдық округінде 5 000 бас малға арналған бордақылау алаңы іске қосылды. Кооператив жылына 4 000 тонна ет дайындауға қауқарлы. Шаруа қожалық төрағасы Аброр Рысқұловтың айтуынша, мал бордақылау алаңы 1,7 гектарды құраса, жоба құны — 1,5 млрд. теңге. Бүгінде алаңда 20-25 адам тұрақты жұмыспен қамтылған.
Осы орайда аудан әкімі Мақсат Таңғатаров аталған «Жасыл аймақ» ауыл шаруашылық өндірістік кооперативінің жұмысымен танысты. Асыл тұқымды мал санын арттыру және олардың өнімділігін көбейту мақсатында шетелден 500 бас асыл тұқымды ірі қара сатып алынған. Алдағы уақытта оны 5 000 басқа дейін көбейту жоспарланып отыр.
