Түркістан қалалық полиция басқармасының қызметкерлері жедел-іздестіру іс-шарасы кезінде алаяқтық қылмысына қатысы бар деген күдікпен 34 жастағы жергілікті тұрғынды ұстады.
Белгілі болғандай, жұмыссыз әйел танысын «мемлекеттен қайтарымсыз несие алуға көмектесемін» деп, одан 150.000 теңге ақшасын алып, уәдесін орындамай қашып жүрген.
Тәртіп сақшылары күдікті әйелдің дәл осыған ұқсас 3 жайтқа қатысы барын анықтады. Келтірілген шығын 600.000 теңге.
Қазіргі таңда күдікті әйелге қатысты сотқа дейінгі тергеу амалдары жүргізіліп, жинақталған құжаттар сотқа жолдануда.
