ҚР Парламенті Сенатының депутаты Нұрлан Бекназаров №6 қалалық емхананың қызметімен танысып, мамандармен әңгімелесті. №6 емханаға бүгінде 60 мыңға жуық тұрғын тіркелген. Өткен жылы Шымкент қаласындағы медициналық ұйымдар арасында алғаш болып «Үздік тәжірибелік орталық» жүйесі енгізілген еді.
Нұрлан Құдиярұлы «Алдын-алу және әлеуметтік психологиялық көмек көрсету», «Халық кеңесі» кабинетінің жұмыс барысын аралап көрді. Емхананың бас дәрігерінің емдеу ісі жөніндегі орынбасары Ұлбала Ерғалиқызы тұрғындарға көрсетілетін медициналық қызмет сапасын егжей-тегжейлі таныстырып өтті.
Қалалық емхананың негізгі міндеттері:
-
емханада және үйде тікелей қымет алатын аудан тұрғындарына білікті және мамандандырылған медициналық көмек көрсету;
-
ауруларды, мүгедектік пен өлімді азайтуға бағытталған мекемеге тіркелген қызметкерлер мен қызмет алатын аудан тұрғындары арасында алдын алу іс-шаралар жиынтығын ұйымдастыру және өткізу;
-
тұрғындарды (дені сау және науқас), ең алдымен жасөспірімдерді, жүрек-қан, онкологиялық және басқа да ауралардың повышенный рискімен ауыратын тұлғаларды диспансерлеуді ұйымдастыру және жүзеге асыру.
- Халықты диспансерлеу, соның ішінде: олардың денсаулық жағдайын динамикалық бақылауға жататын тұлғаларды (дені сау және науқас) іріктеу. Олардың білікті тексерістен өтуін және ауру сипаты мен ағымына байланысты жүйелік емдеу, олардың еңбек және тұрмыс шартын тексеру және қажетті алдын алу шараларын жүзеге асыруды қамтамасыз ету;
Сенатор «Үздік тәжірибелік орталық» қызметтері, фронт-офис, денсаулық мектептері, пациенттерге медициналық қызметтің қолжетімділігін арттыруда қолға алынған жұмыстарды оң бағалады. Тұрғындармен психологиялық-моральдық қатынасты жақсартудың маңызы зор екенін айтып, ендігі кезекте жаңа бөлімдердің жұмысын халыққа кеңірек түсіндіру қажет екенін мәлімдеді.
«Шымкент келбеті»
