Республика күніне байланысты Шымкент жастарын Отансүйгіштік ұялататын форуммен бастауды жөн көрді.Отансүйгіштік – қасиетті ұғым. Әрбір адам отанын өзі тануы тиіс. Оны жете біліп, қадір-қасиетін ұққанда, тарихын, өткен жолын, рухын, елдің басын біріктірген, жат елдерден жерін, суын, даласын, тауын қанын төгіп, қайсарлықпен қалған ерліктерін сезіп білгенде ғана, соған деген мақтаныш сезімі оянатындығы рас. Осы орайда мерекеге орай «Көк тудың желбірегені» атты патриоттық форум бастау алды. Іс-шара бойынша Шымкент қаласының ішкі саясат және жастар істер жөніндегі басқармасының қолдауына байланысты «Серпіліс» қоғамдық бірлестігі ұйымдастырды. Форумның басты мақсаты-жастар үшін Қазақстанның басты елтаңбасымен туына деген құрмет. Форумда басқарма басшысы сөз сөйлеп, көпшілікті Республика күні мерекесімен құттықтады. Жасалынып жатқан іс-шаранының ұйымдастырушылары осындай жоғары деңгейдегі форумды өткізудің өзі бір мәртебе деп жеткізді.
Республика күні — еліміздің әрбір азаматы үшін айтулы мереке. Бұл — ата-бабамыздың арманы орындалып, еркіндікке қол жеткізген күн. Осыған орай қаламызда мемлекеттік рәміздерді насихаттау, мемлекеттік Туымызды дәріптеу, оның қадірін жас ұрпаққа ұғындыру мақсатында осындай патриоттық форум ұйымдастырылып отыр, — деді Мұратжан Шүкірханұлы.
Жиында медицина ғылымдарының докторы, профессор Иманәлі Байдәулетов пен ҚР Қарулы күштерінің Шымкент қаласы ардагерлер кеңесінің төрағасы Серікбай Омбаев бастаған ел ағалары сөз сөйлеп, жастарға Тудың қадірі мен Отанға адал қызмет ету туралы өнегелі әңгімелерін айтты.
Айта кетейік, форум барысында мемлекеттік Туды насихаттау мақсатында ұйымдастырылған «Үздік пост», «Үздік бейнеролик» және «Үздік іс-шара» байқауларының жеңімпаздары мен жүлдегерлері марапатталып, оларға бағалы сыйлықтар табыс етілді.
ПАТРИОТТЫҚ СЕЗІМДІ ҰЯЛАТҚАН ФОРУМ
