Шымкент қаласында 107 мыңнан астам шағын және орта кәсіпкерлік субъектілері жұмыс істейді. Бұл өткен жылдың сәйкес кезеңімен салыстырғанда 42 пайызға артып отыр.
Ал, осы салада жұмыспен қамтылған адамдар саны өткен жылдың тиісті кезеңімен салыстырғанда 12,7 пайызға артып, 189 мың адамды құрап отыр.
Қаладағы шағын және орта кәсіпкерлердің өндірілген өнім көлемі 738 млрд. теңге болса, жалпы өңірлік өнімдегі үлесі 38,9 пайызды құрады.
Сондай-ақ, қалада кәсіпкерлер мен инвесторларға консультациялар, сүйемелдеу, мемлекеттік және өзге де қызметтер көрсету мақсатында «бір терезе» қағидаты бойынша «Бизнеске арналған үкімет – Shymkent Invest» фронт-офисі жұмыс істейді. Фронт-офис 2022 жылы 11 655 бизнес өкіліне қызмет көрсетті.
