2023 жылғы 19 наурызда сайлау кезеңінде Шымкент қаласы бойынша 28 ИНВАТАКСИ ЖӘНЕ 47 СУРДО АУДАРМАШЫ мүгедектігі бар азаматтар үшін қызмет атқарады.
Сурдо аудармашылардың көмегіне жүгінетін адамдардың саны – 447 адам. Осы азаматтар алдын ала әр маманға бөліп берілген. Шамамен бір маман он адамға көмек көрсетеді.
Сайлау күні мүгедектігі бар азамат сайлау учаскесіне келген кезде телефон арқылы өзіне қарасты маманға хабарласып керек ақпаратты сурдо аударма арқылы алады, кейін дауыс береді.
Инватакси қызметін пайдаланатын азаматтар алдын ала белгіленген. Сайлау болатын күні ол азаматтар Инватакси қызметін келесі байланыс нөмірлеріне хабарласып шақыра алады: 57-10-51; 8 707 984 04 42; 8 707 405 15 65; 8 705 185 35 54; 8 775 276 50 05.
