Бүгін қала әкімі Мұрат Әйтенов «Жұлдыз» арнайы индустриалдық аймағында болып, нысанның инфрақұрылымдық жұмыстарымен танысты. Жалпы алаңы 306 гектарды құрайтын жаңа аймақ 2021 жылы ашылып, қазір экономикалық алаңның 121 гектарына жоспарға сай инфрақұрылыммен қамту жұмыстары жүргізілуде. Қала басшысы Мұрат Әйтенов биылғы жылдың 6 шілдесіне дейін инвесторлар үшін жоспарға сай электр желісі, су, табиғи газ, кәріз жүйесі тартылып үлгеруі қажет екенін айтып өтті. Инвесторлар бізге сеніп, құрылыс жұмыстарын бастап кетті. Сондықтан оларға барынша қолайлы жағдай жасауға тиіспіз, — деген қала басшысы инфрақұрылым жүргізіп жатқан мердігер мекемелермен ғана емес, инвесторларды да сөзге тартып, олардың тың жобаларын тыңдады. Сонымен бірге қала әкімі Мұрат Дүйсенбекұлы тиісті басқарма басшыларына инвестициялық жобаларға қатысты тапсырмалар жүктеді.«Ұлт жоспары – қазақстандық арманға бастайтын жол» атты мақаласында инвестицияға, әсіресе сырттан тартылатын инвестицияға, ірі трансұлттық компаниялардың әлеуетін пайдалануға көңіл бөлген болатын. Соңғы жылдары бірыңғай аграрлы облыстан индустриялық-аграрлық өңір болып қалыптасқан облыстың инвестициялық тартымдылығы да күшейе түсті. Ірі жобалар негізінен ауыл шаруашылығы өнімін өңдеуді дамыту мен өңірдің өнеркәсіптік әлеуетін жүзеге асыруға бағытталып отыр. Өңірге халықаралық ірі компаниялар қызығушылық білдіре бастады. Әсіресе құрылысын бастаймын деген жобаларды сүйемелдеп, қажетті рұқсатнама құжаттарын алуға жәрдемдесу, жоспарланған жобалардың уақытылы іске асырылуына көмектесу, жосықсыз жобаларды арнайы экономикалық аймағынан шығарып, орнына приоритетті жобаларды кіргізу керектігін айтты. Айта кетейік, екі жыл көлемінде «Жұлдыз» индустриалдық аймағында машина жасау, фармацевтика, металлургия, жиһаз өнеркәсібі, құрылыс индустриясы саласы бойынша 147,2 млрд. теңгені құрайтын 42 жоба әзірленді. 2023-2026 жылдар аралығында жүзеге асатын осы жобалардың аясында 4 мыңға жуық тұрғын жұмыспен қамтылады деп күтілуде. Оның ішінде 2023 жылы инвестициялық құны 7,1 млрд. теңге құрайтын, 411 жаңа жұмыс орындарымен 5 жобаны іске қосу жоспарлануда. Шымкент қаласы әкімінің баспасөз қызметі
ҚАЛА ӘКІМІ «ЖҰЛДЫЗ» ИНДУСТРИЯЛЫҚ АЙМАҒЫНЫҢ ИНФРАҚҰРЫЛЫМЫН ШІЛДЕГЕ ДЕЙІН АЯҚТАУДЫ ТАПСЫРДЫ
