Алматы қаласы Ішкі саясат басқармасының қолдауымен жүзеге асырылып жатқан “Азаматтық борыш” жобасы жастардың белсенділігін арттырып, спортқа деген қызығушылығын күшейтуді мақсат етеді. Осы жоба аясында Алматы көпсалалы колледжінде студенттер арасында футболдан жарыс ұйымдастырылды. Жарысқа колледж студенттері белсенді түрде қатысты. Әр топ өзара тартысты ойын көрсетіп, командалық рух пен бірлікті таныта білді. Ойындар жоғары деңгейде өтті, ал жастардың спортқа деген қызығушылығы ерекше сезілді. Шараның басты мақсаты – жастарды салауатты өмір салтына тәрбиелеу, оларды бір-бірімен жақындата түсу және қоғамдағы белсенділігін арттыру. Футбол жарысы осы мақсаттардың барлығын толық орындады деуге болады.
Жарыс өте жоғары деңгейде өтті. Әр команда жеңіске жету үшін бар күшін салып, нағыз командалық рухты көрсетті. Ойындар қызықты тартыстарға толы болды.
Жарыс нәтижесі бойынша:
1-орынды — По25-2а тобы,
2-орынды — По25-1а тобы,
3-орынды — По25-1б тобы иеленді.
Жеңімпаз командаларға арнайы марапаттар мен алғыс хаттар табысталды. Сонымен қатар, қатысушыларға Sportmaster дүкенінен ақшалай сертификаттар берілді. Бұл студенттердің көңіл-күйін көтеріп, жарыстың әсерін одан әрі арттыра түсті.
Шара жастардың бос уақытын тиімді өткізуіне, бір-бірімен жақын араласуына және салауатты өмір салтын ұстануына үлкен ықпал етті. “Азаматтық борыш” жобасы алдағы уақытта да осындай пайдалы іс-шараларды жалғастыруды жоспарлап отыр. Шара соңында студенттер жақсы көңіл-күймен тарқап, алдағы уақытта да осындай спорттық бастамалардың жиі ұйымдастырылуын қалайтындарын айтты. “Азаматтық борыш” жобасы жастардың дамуына, спортқа баулуына үлкен үлес қосып келе жатқан бастама екенін тағы бір мәрте дәлелдеді.
Social project management орталығы
