Жетісай аудандық полиция бөлімінің қызметкерлері Ел президенті Қ.Тоқаевтың 2022 жылды «Балалар жылы» деп жариялауына байланысты және «Балаларды қорғау» күніне орай орталық саябақта мерекелік шара ұйымдастырды. Шараға жалпы 100-ге жуық бала қатысты. Полицейлер балалармен бірге ойын ойнап, олардың көңілдерін көтерді. Сондай-ақ кішкентай ұл-қыздарға тегін балмұздақ таратылды. Сондай-ақ спорттық жарыстар өткізіліп, сайыста топ жарған балаларға Жетісай аудандық полиция бөлімінің бастығы полиция полковнигі Ермахан Абдрамановтың «Алғыс хаты» мен сый-сияпаты тарту етілді. Жас достарға арналған мерекелік шара соңында полиция қызметкерлері балаларды айтулы күндерімен құттықтап, оларға бақытты балалық шақ тіледі. Өз кезегінде бүлдіршіндердің ата-аналары полиция қызметкерлерінің мерекелік тарту еткені үшін, өздерінің ризашылықтарын білдіріп, тәртіп сақшыларының жұмыстарына сәттілік тіледі.
Полицейлер мереке қарсаңында балаларға көтеріңкі көңіл-күй сыйлап, балмұздақ таратты
