Шымкент қаласы Түркістан көшесі бойында жаңа өрт сөндіру депосы бой көтеруде. Бүгін қала әкімі Мұрат Әйтенов нысанның құрылыс жұмысымен танысты.
Қаладағы №3 өрт сөндіру бөлімінің құтқарушылары өз қызметін 70 жыл бұрын салынған ғимаратта атқарып келген. 2020 жылдың сәуір айында сарапшылар қорытынды жасаған еді – Шымкент қаласы Төтенше жағдайлар департаменті Өрт сөндіру және авариялық-құтқару жұмыстары қызметінің №3 өрт сөндіру бөлімінің архитектуралық құрылысы бұзылатынын мәлімдеген.
Бұл ғимараттың 1938 жылдан басталатын үлкен тарихы бар. Дәл сол кезде учаске бөлінген болатын. Содан кейін мұнда тәуелсіз әскерилендірілген өрт сөндіру бөлімі пайда болды. 80-ші жылдары бұл қаланың өртке қарсы қызметінің орталық пункті болды.
Бүгінде №3 өрт сөндіру бөлімінде 62 қызметкер қызмет атқарады. Тозығы жеткен ескі сәулет ғимараты қала тұрғындарына жақсы қызмет етті. Бұл өрт сөндіру бөлімі қаланың орталық бөлігін қорғауға ыңғайлы.
Сондықтан жобалау-сметалық құжаттаманы дайындау кезінде бұл ерекшелік басты назарда болды. Шымкент қаласы әкімдігінің қолдауымен ең маңызды мәселелердің бірі – қалалық өрт сөндіру қызметінің материалдық-техникалық базасын жақсартуы шешіліп келуде.
Құрылысы осы жылы басталған нысан 2023 жылдың соңында пайдалануға берілмек. Құрылыс жұмысы аяқталса, қаладағы ең көне сәулет ғимараттарының бірінің орнында №3 өрт сөндіру бөлімінің жаңа заманауи ғимараты пайда болады. Жаңа корпус барлық нормативтік талаптарға жауап береді.
Содан кейін…
28 маусым күні сағат 15:49-да Шымкент қаласы, Еңбекші ауданы, Уалиханов көшесінде орналасқан РП-11 трансформаторынан өрт шыққан.
Өрт сағат 16:11-де оқшауланып, 16-26 толығымен сөндірілді. Трансформатор толығымен жанып кеткен. Төтенше жағдайлар департаментінің мәліметінше, өрттен зардап шеккендер мен қайтыс болғандар жоқ. Алдын ала болжам бойынша өрт жоғары кернеуден орын алуы мүмкін. Анықтау жұмыстарын ОңтүстікЖарық ЖШС және ТЖ департаментінің мамандары жүргізуде.
Оқиға орнында төтенше жағдайлар департаментінің 12 қызметкері мен 3 дана техникасы, апаттар медицина орталығы филиалының бригадасы жұмылдырылды.
Өрттің салдарынан 0,4 кВ тарату ұяшықтарына зақым келіп, 413 тұтынушы электр қуатынан ажыратылған болатын, қәзіргі таңда аталған аумаққа электр қуаты берілді.
