Бұл туралы бүгін Ақпараттық-коммуникациялық орталығында өткен брифингте Шымкент қаласының ауыл шаруашылығы және ветеринария басқармасы басшысының орынбасары Талғат Мекамбаев мәлімдеді.
– Күзгі дала жұмыстарын толығымен мерзімінде аяқтау үшін 725 доңғалақты трактор (жалпы 780 дана трактор, қалған 55 трактор ағымдағы жөндеуде) және 35 комбайн (жалпы 38 дана комбайн, қалған 3 комбайн ағымдағы жөндеуде) жұмыс атқарды. Нәтижесінде 30,0 мың гектар егістік алқабынан бүгінгі таңда 94 мың 320 тонна өнім жиналды. Олар: дәнді дақылдар — 20,1 мың тонна, майлы дақылдар — 3,2 мың тонна, картоп — 4,4 мың тонна, көкөніс және бақша — 48,3 мың тонна, мал азықтық дақылдар — 18,3 мың тонна. Күзгі егін жинау жұмыстары кестеге сәйкес жүргізіліп, толығымен аяқталды, — деді Т.Мекамбаев.
– Сонымен қатар, қала аумағында қосымша өнеркәсіптік үлгідегі 10 гектар жылыжай кешені жаңадан іске қосылды. Ол – «Отан Agro» ЖШС. Күзгі дала мен жиын-терім жұмыстарын жүргізуге 1 000 тонна дизель отыны бөлініп, ауыл шаруашылығы тауарларын өндірушілерінің өтінімдеріне сәйкес, мерзімінде берілді. Ал тыңайтқыш құнын субсидиялауға 122,1 млн теңге бөлініп, бүгінде 91,04 млн теңгеге 752,4 тонна тыңайтқыш бағасы субсидияланды, – деді Талғат Тойлыбайұлы.
Спикердің сөзінше, осы жылы 30,0 мың гектар жерге ауыл шаруашылығы дақылдары егіліп, 2021 жылдың тиісті кезеңімен салыстырғанда 0,7 мың гектарға артты (2021 жылы 29,8 мың га.).
Күзгі дала мен жиын терім жұмыстарын жүргізуге 1 000 тонна дизель отыны бөлініп, ауыл шаруашылығы тауарларын өндірушілерінің өтінімдеріне сәйкес берілді.
Сонымен қатар тыңайтқыштар құнын субсидиялауға 122,1 млн теңге бөлініп, бүгінгі күні 91,04 млн теңгеге 752,4 тонна тыңайтқыш субсидияланды.
Айта кетейік, қала аумағында қосымша өнеркәсіптік үлгідегі 10,0 гектар жылыжай жаңадан іске қосылды («Отан Agro» ЖШС-10 га).
