Шымкенттік журналистердің бір тобы «Аялы алақан» №5 арнаулы әлеуметтік қызметтер көрсету орталығының жұмысымен танысты. Орталық — арнаулы әлеуметтік қызметтерге мұқтаж психоневрологиялық ауытқулары бар тірек- қимыл аппараты бұзылған, үш жастан он сегіз жасқа дейінгі мүгедек балаларға қызметтер көрсетеді екен. Қазіргі таңда орталықта 110 қызмет алушыға арнаулы әлеуметтік қызмет түрлері көрсетілуде.
Мекеме жалпы 20 бағыт бойынша қызмет алушыларға көмек көрсетсе, биыл жыл басынан қысқа мерзімді тегін оқу курстарынан 600-ден аса ана өткен. Бүгінгі таңда, қала бойынша 37014 адамға (ақпараттық қолдау, психологиялық, медиаторлық, құқықтық кеңес беру, атаулы әлеуметтік көмекке құжат тапсыру, білім, денсаулық сақтау, тұрғын үй кезегіне тұру, Еqov.kz порталы арқылы құжаттарды тапсыру немесе алу қызметтері, aleumet.egov.kz сайты арқылы азық-түлік себеттеріне тіркелуіне және т.б.) қызмет көрсетіліп келген.
«Бақытты отбасы» орталығының психолог маманы Айгүл Бейбітқызының айтуынша, орталықта 33 курс түрі ашылған. Мысалы, қолөнер, кондитерлік курстары, актерлық шеберлік курсы мен тігін курсы т.б. Сонымен қоса көпбалалы отбасыдан шыққан балалар үшін де вокал, домбыра, гитара, пианино үйірмелері бар. Және бұл курстар мен үйірмелер тегін өткізіледі. Бір жақсысы тек Алатау ауданының тұрғындары ғана емес басқа ауданның да адамдары келіп көмекке жүгіне алады. Курстар мен үйірмелерге тегін қатыса алады. Тек көпбалалы аналар,әкелер, балалар болуы тиіс.
Шымкент қаласындағы отбасыларды әлеуметтік қолдау жүйесімен тікелей айналысатын бірегей мекеме — «Бақытты жанұя» орталығы. Орталықтың мақсаты – қиын жағдайға тап болған әр-бір отбасыға психологиялық, әлеуметтік және құқықтық көмек, сонымен қатар, отбасы институтының дамуына жан-жақты қолдау көрсету болып табылады. Сонымен қатар, журналистер өзекті тақырып аясында мүмкіндігі шектелген азаматтардың өтініштерін бірінші орынға қойып келетінін баса айтқымыз келеді.
