Шымкент қаласы аумағында пробация қызметінде есепте тұрған сотталғандардың жаңадан құқықбұзушылықтар жасауының алдын алу мақсатында 2022 жылдың 10-16 наурыз аралығында “Қадағалау” профилактикалық іс-шарасы басталды.
Аталған іс-шараны ұйымдастыру үшін жергілікті ішкі істер органдарымен бірлескен жоспар құрылып, полиция бөлімінің жергілікті полиция қызмет бөлімдерімен пробация қызметкерлерімен бірлескен тексерулер ұйымдастырылады.
Тексеру барысында пробация есебіндегі әрбір адамның мінез-құлқына бақылау жасалып, пробация қызметінің есебінен жалтарудың, құқық бұзушылық пен қайта қылмыс жасауының алдын алу бағытында жұмыстар жүргізіледі.
Өз кезегінде Шымкенттік полицейлер мұндай іс-шаралар жағдайдың жедел жақсаруына және құқық бұзушылықтардың төмендеуіне оң әсер ететінін атап өтті.
