Жас мамандардың жобасында жұмысқа орналастыру бойынша қаладағы жастардың әр саласы бойынша жұмыс жасау үшін жасалынып жатқан дүние.
Шымкентте жас мамандарды жұмысқа орналастыру және зейнет демалысына шығатын жұмысшыларға лайықты ізбасар дайындауды мақсат еткен “Ұрпақтар келісімшарты” жобасына қатысып, жұмысқа жолданып жатқандардың дені — жастар.Жастар арасындағы жоба басталар алдында барлық сала толық зерттелініп қай мамандыққа қызметкерлер керек екенін анықтап санын көбейтіледі. Яғни ауылшаруашылығына және жеңіл өнеркәсіп бойынша қаралып жатыр. Көптеген мамандықтар бойынша жас мамандар саны шектен асып барады. Ал кейбір мамандықтар бойынша мамандар саны кемде кем.Жұмыс пен қамту жас мамандар үшін бір мүмкіндік. Мамандар саны оқу деңгейімен салыстырғанда көбінесе диплом бойынша жұмыс жасап жатқан мамандар аз. Оларға көмек және қолдау білдіру осы жоба арқылы жүзеге асырылады. Солардың бірі — Нилюфар Убайдуллаева.
Ол өткен жылы Шымкенттегі Жеңіл өнеркәсіп және сервис колледжін “Тігінші” мамандығы бойынша тәмамдаған. Осы жылдың маусым айының басында ол “Ұрпақтар келісімшарты” жобасына қатысуға өтінім беріп, қалалық халықты жұмыспен қамту орталығына тиісті құжаттарын өткізіп, нәтижесінде жеке кәсіпкер “Қасиет Collection” тігін цехына жолданған. Жас маман аталған өндіріс орнында зейнет жасына жақындаған тігін шебері Гүлчехра Егембердиевамен (суретте) орын ауыстыратын болады.
— Бұл жұмыс іздеп жүрген немесе жұмыссыз жастар үшін зор мүмкіндік деп ойлаймын. Тәжірибе жинақтайсың. Тәжірибелі тәлімгерден істің қыр-сырын үйренесің. Жобамен келгеніме еш өкінбеймін. Өзімді жақсы қырымнан көрсетсем тұрақты жұмысқа тұруға да мүмкіндік мол, — дейді Нилюфар Убайдуллаева.
Биыл Шымкентте “Ұрпақтар келісімшарты” жобасымен 24 адамды жолдау жоспарланған.
Аталған жобаға қатысушының айлық жалақысы — 91890 тг. Мерзімі — 6 ай.
ШЫМКЕНТТЕ “ҰРПАҚТАР КЕЛІСІМШАРТЫ” ЖОБАСЫНА ҚАТЫСУШЫЛАРДЫҢ ДЕНІ ЖАСТАР
