Қайырымдылық — адамзат бойындағы ерекше қасиеттің бірі болып саналады. Қайырымдылық пен ізгілікке адамгершілікке жетелейтін адамдардың бір-біріне деген сүйіспеншілігі мен көмегі екені даусыз.
Қашанда қолдан келгенше қайырымдылық жасауды ел қорғандары өздеріне парыз еткен. Жақсылық жасау — имандылықтың, тәрбиеліліктің, парасаттылықтың айқын көрінісі. Адам баласының осынау асыл қасиетін айшықтайтын қайырымдылық іс-шарасы бүгінде біздің полиция қызметкерлерінің арасында кең етек жайып, тұрақты түрде ұйымдастырылады.
Осындай игі істі арыстық полицейлер жалғысбасты ана Айгүл Баймұратованың отбасына жасады. Полиция қызметкерлері көмекке мұқтаж отбасының үйіне барып, хал-жағдайын сұрап, азды-көпті азық-түлік пен қамтамасыз етті. Бүгінгі таңда жалғысбасты ана 3 қыз 2 ұл тәрбиелеп отыр.
Өз кезегінде А.Баймұратова полицейлерге алғысын айтып, жұмыстарына табыс тіледі. Қиын шақта қолдау білдіргендеріне ризашылығын жеткізді. «Жақсы іс жан семіртеді». Сондықтан бір-бірімізге қолғабыс етуден шаршамайық!
