Шымкенттегі «Айна» базарда өрт сөндіру және авариялық-құтқару жұмыстары қызметінің мамандары өртті сөндіру және адамдарды құтқару тәсілдерін пысықтайтын оқу-жаттығу өткізді.
Тілсіз жау көбінде электр сымдарының қысқа тұйықталу салдарынан орын алады. Оқу-жаттығу тактикасы осы негізде басталды.
Қызметтік күштер мен құралдары №2 шақыру бойынша оқиға орнына жөнелтілді. Осы жерде жедел өрт сөндіру штабы құрылды. Ауа температурасы көтеріліп, қою түтін пайда болды, адамдардың өміріне қауіп тудырды. Газ-түтіннен қорғау қызметінің тез және кәсіби әрекет етуінің нәтижесінде өрт ошағы тез табылып, өртті сөндіру жұмыстары жүргізілді. Зардап шеккен 2 адам құтқарылып, апаттар медицина орталығының қызметкерлеріне тапсырылды. Аталмыш оқу жаттығудың басты мақсаты-шартты нысанда өрт сөндіру жұмыстарын ұйымдастыру ісінде басшы және қатардағы жеке құрам арасында тәжірибені машықтау, пысықтау болып табылады.
Оқу-жаттығу сценарийі бойынша аты аталған әскери бөлімнің техникалық аумағында өрт шығады. Төтенше жағдай орын алған жерге, шақыру бойынша Байзақ ауданы ганизонының өртке қарсы қызметінің күштері мен техникалық құралдары жіберіледі.
Жедел түрде, оқыс оқиға орын алған жерде өрт сөндіру штабының жұмысы ұйымдастырылып, 2 жауынгерлік учаске құрылады.
Өрт сөндіру ережесінің талаптарына сай ұйымдастыру жұмыстарының нәтижесінде жалпы көлемі 85м2 алаңды құраған тілсіз жау дер кезінде ауыздықталып, алға қойылған тапсырма өз деңгейінде орындалды.
Оқу-жаттығуға жеке құрамнан 25 адам, офицерлік құрамнан 35 және 5 негізгі, 1 мақсатты өрт сөндіру техникасы жұмылдырылды. Өрт сөндіруші және құтқарушылардың бірігіп атқарған нақты іс-қимылдарының нәтижесінде өрт ошағы тез арада оқшауланып, жарты сағатқа жетпей толық сөндірілді.
Шымкент қаласы әкімдігінің баспасөз қызметі
ӨРТ СӨНДІРУШІЛЕР ОҚУ-ЖАТТЫҒУ ШАРАСЫН ӨТКІЗДІ
