2021 жылы Шымкент қаласындағы қоғамдық көліктерде «Төлем» электрондық билеттендіру жүйесі ендірілді. Бұл жүйенің артықшылығы — төлемдердің ашықтығын, тасымалдаушылардың кірістілігін және қалалық бюджетке салық түсімдерін арттыруға мүмкіндік береді. Сондай-ақ, жергілікті атқарушы органдардың әлеуметтік маңызы бар тасымалдарды ұтымды субсидиялауына мүмкіндік беріп, көлік жүйесінің бюджетін қалыптастыруға таптырмас құрал болып табылады.
Жүйе жеке инвестиция есебінен іске асырылды, жүйенің операторы «QazSmartTrans» ЖШС-гі.
Ал қоғамдық көлік жүйесіндегі реформа бойынша автобустар мобильді қосымша арқылы бақылауға алынып, жол ақысын электронды төлеуге мүмкіндік тумақ. Сонымен қатар жаңа бағыттар ашылып, цифрлы және интеллектуалды жүйе енгізіледі. Жаңа жүйе бойынша қоғамдық көліктердің жұмысы жақсарып, тиімділігі артпақ. Аталған концепция тұрғындардың қауіпсіздігін қамтамасыз етуге де үлкен септігін тигізбек. Енді жүргізушілер арнайы курстардан өтіп, кондукторлардың қызметі қатаң тексерілетін болады, – дейді Мақсұт Пернебайұлы.
Қазіргі таңда, сатылған көлік карталарының саны 310 мыңнан асады, Қаламызда өтінімдерді қабылдау және көлік карталарын беру бойынша 2 офис жұмыс істейді. Күнделікті транзакциялар саны 300 мыңды құрап отыр, оның ішінде транзакциялардың 90% көлік карталарымен төленеді.
Қалалық автобус тасымалдау жұмысының негізгі көрсеткіштеріне жүргізілген талдауына сәйкес, 2019 жылдың 10 айында жолаушыларды автобуспен тасымалдауынан түскен табысы 2 780,8 млн. тг және тасымалданған жолаушылардың саны 1 140 654 мың адамды құрады. Ал ағымдағы жылдың 10 айындағы табысы 4 270,9 млн.тг, жолаушылар саны 264 431,4 мың адам құрайды. Яғни, төлем жүйесі енгізілгелі бері жолаушыларды тасымалдау саласындағы табыстардың ашықтығы қамтамасыз етілді және нақты табыстардың артқанын көрсетуде.
