Қаратау ауданы жастар ресурстық орталығының ұйымдастыруымен «Нысана» әзіл-сықақ театрының әртісі Абай Аязбаев студенттер күніне орай Қаратау ауданының жастарымен кездесті.
Кездесудің мақсаты- дарынды жастардың шығармашылыққа деген қызығушылығын арттыру. Бос уақытын тиімді пайдалану. Өнерлі жастарға қолдау көрсету, мотивация беру.
Аудан орталығының ғимаратында өткен кездесуге «Shymkent жоғары педагогикалық колледжі» студенттері қатысты.
«Өңір жастарымен жұмыс жасау үшін арнайы жоба аясында дайындалған аймақтық және елордалық спикерлер, ментерлер, тренерлер жасақталды. Бұған дейін бірнеше облыстың орталығында өткіздік. Мақсатымыз – жастарға жігер, мотивация беру. Түрлі саладағы спикерлердің өмірінен тағылым алған жастар өз өмірін сараптап, өткеніне көз жібереді, болашағына құлшыныспен қарайтын болады» — дейді ұйымдастырушылар.«Жаңа адамдар» жастар қозғалысы қатарларын өздері секілді жаңашыл жастармен толықтыра түсуді көздейді. Сондай-ақ, өздеріне үн қосушы жастар еліміздің түкпір-түкпірінен болса екен дейді. Өздеріңіз де байқап отырғандарыңыздай, алдағы уақытта ел Президентінің батасын алған жастар өз қазықтарын өзге өңірлерде де қаға бастайды. Бүгінде жастар өздері бас қосатын кампуста құр қол отырмай, түрлі жобаларды дүниеге әкелуде. Және жастардың идеялары мен жобалары қазақстандықтардың қажетіне жарар нәтижелі істердің бастамасы болады деп сенеміз.
Кездесу барысында өнер иесінің шығармашылығы мен өмір жолы жайында әңгіме өрбіді. Өзінің өнер жолындағы кедергілер мен жеткен жетістіктерін айтты. Сонымен қатар, шағармашылық жолындағы түрлі қызықтарымен, әзілдерімін бөлісіп, жастармен өзара еркін пікір алмасты. Өнерге қызығушылығы бар жастарға өз мақсатына жету жолында тынбай еңбек етуге шақырды. Кездесу соңында жастар өнер иесімен естелікке суретке түсті.
Сонымен қатар, жиын барысында үкіметтік емес ұйымдардың жұмысын ширатып, қоғамдағы белсенділігін арттыру мақсатында да атқарылып жатқан жұмыстар баяндалды. Кездесу қонақтары өзара пікір алмасты.
