«JASTAR RUHY SHYMKENT» қоғамдық қоры және Шымкент қаласының дін істері басқармасының ұйымдастыруымен «1 Маусым – Балаларды қоғау күніне» орай тимбилдинг және ұлттық ойындар бойынша мерекелік іс-шарасы өтті.
Іс-шараның негізгі мақсаты – өсіп жатқан балаларды қоғамға бейімдеу, жастар арасында деструктивті діни ағымдардың ықпалының алдын алу, Қазақстандық қоғамның дәстүрлі құндылықтарын, ұлттық дәстүрлері мен патриотизмді ілгерілету.
Іс-шараны «Шымкент қаласы кәсіподақтар орталығы» аумақтық кәсіподақтар бірлестігінің төрағасы Бауыржан Әлтеев ашып беріп, балаларға ақ тілегін арнады. Сонымен қатар Шымкент қаласының дін істері басқармасының басшысы А.Туякбаев, Әдет-ғұрып және салт-дәстүр орталығының басшысы Бахтияр Спановта сөз алып, балаларды құттықтады.
Ұлттық ойындарды насихаттау мақсатында ұйымдастырылған іс-шарада асық ату, кіртас көтеру, садақ ату, ұлдар арасында күрес, арқан тарту ойындары болды.
Мерекелік іс-шара соңында ұлттық ойындарда үздік нәтиже көрсеткен 50 балаға арнайы сыйлықтар табысталды.
Сондай-ақ ұлттық құндылықтарымызды насихаттайтын іс-шараның өтуіне ықпал еткен «Әдет-ғұрып және салт-дәстүр» орталығына Алғыс білдіреміз.
#Шымкент #БалаларКүні
