Мақтааралдық полицейлер Қазақстан Республикасы Президенті Қ.Тоқаевтың 2022 жылды «Балалар жылы» деп жариялауына байланысты және 1 мамыр – Қазақстан халқының бірлігі күні мерекесіне орай оқушылар арасында байқау ұйымдастырды.
Шараның мақсаты – өскелең ұрпақтың үйлесімді дамуы мен бақытты балалықты қалыптастыру, татулықты және бірлікте болу. Аталған іс-шараға 10 жасқа дейінгі балалар қатысып, еркін тақырыпта сурет салды. Жарыста әр мектептен келген оқушылар өзінің ерекше қабілеттерін көрсетті. Атап айтар болсақ, I орынды Бекнұр Оразбай, II орынды Айшабибі Өміртай, III орынды Көркем Оңалбайқызы иемденді. Полицейлер оларға сыйлықтар беріп, бөлім бастығының грамотасымен марапаттады. Іс-шараға қатысқан балалар тәртіп сақшыларына осындай шара ұйымдастырғандары үшін алғыстарын білдірді.
