Әл-Фараби ауданы аумағында ретсіз саудамен күрес жұмыстары күнделікті жүргізіліп, тұрақты бақылауға алынған. Аудан әкімі аппаратының қызметкерлері аудандық полиция басқармасының өкілдерімен бірлесе «Орталық Қырғы базар» аумағында, Әлімқұлов, Төле би, Тәшенов көшелерінің бойында зерделеу жұмыстарын жүргізіп, рұқсат етілмеген орындарда сауда жасаған тұлғаларға түсіндірме жұмыстарын жүргізуде. Жыл басынан бері аудандық полиция басқармасы тарапынан белгіленбеген орындарда ретсіз сауда жасаған тұлғаларға қатысты 327 әкімшілік хаттама толтырылған. Қала тұрғындарын заң талаптарын сақтап, сауда-саттықты тек арнайы орындарда ғана жасауға шақырамыз. Шымкент қаласы әкімінің баспасөз қызметі
РЕТСІЗ САУДАМЕН КҮРЕС КҮШЕЙТІЛДІ
