16.3 C
Шымкент
Пятница, 20 сентября, 2024
Smarttop.kz

ЖАЗҒЫ СУРДЛИМПИАДАЛЫҚ СПОРТ ТҮРЛЕРІНЕН III СПАРТАКИАДАСЫ БАСТАЛДЫ

Шымкентте жазғы Сурдлимпиадалық спорт түрлері бойынша ҚР III Спартакиада ойындары басталды. Төрт жылда бір өтетін бәсеке 06-10 қыркүйек аралығына жоспарланған. Бүгін жарыстың салтанатты ашылу рәсіміне Шымкент қаласы әкімінің орынбасары Мақсұт Исахов, ҚР Мәдениет және спорт министрлігі Спорт және дене шынықтыру істері комитетінің төрағасы Самат Ерғалиев қатысып, спортшыларға сәттілік тіледі.

Мақсұт Пернебайұлы жарыстың жоғары деңгейде өтуіне қала әкімдігі тарапынан барлық жағдай жасалатынын атап өтті. С.Ерғалиев аталған спорт түрлеріне жеткілікті қолдау бар екенін айта келе, дене шынықтыру саласына үлес қосқан бірқатар азаматтарды арнайы төс белгімен марапаттады.

Есту қабілеті төмен спортшылар арасындағы Спартакиадаға еліміздің барлық өңірінен, спорттың 11 түрінен 1000-ға жуық спортшы қатысады. Атап айтқанда, қол күресі, грек-рим және еркін күрес, дзюдо, таэквондо, бадминтон, жеңіл атлетика, жүзу, үстел теннисі, футзал және дойбыдан сайыстар өтеді. Спорт түрлері қатысушыларға үлкен дәрежеде көрсететіні анық. Әрбір қатысушы әр спорт түріне жарнама жасайды, яғни жарысқа түсуіне себептерінің бірі. Спорт денсаулық кепілі демекші қатысушылардың денсаулық жағдайына қарайды.
Республикалық кешенді спорттық-бұқаралық іс-шараны өткізудегі мақсат – есту қабілеті төмен азаматтарды дене шынықтырумен тұрақты шұғылдануға тарту, аталған спорт түрлерін кеңінен насихаттау.

Айта кетсек, Сурдлимпиадалық спорт түрлері Шымкент қаласында қарқынды дамып келеді. Биыл Бразилияның Кашиас-де-Сул қаласында өткен Сурдлимпиада ойындарында еркін күрестен Сабыржан Рсалы күміс жүлдегер атанған болатын. Шымкент қаласынан биылғы Спартакиадада 100-ден астам спортшы бақ сынайды.
«Шымкент келбеті»

Ұқсас ақпараттар

ІНДЕТКЕ ҚАРСЫ ШАРАЛАР ТОҚТАМАЙДЫ

smarttop

ШЫМКЕНТТЕ ЖАС ҒАЛЫМДАР ҚАНТТЫҢ ОРНЫН БАСАТЫН ДӘРІЛІК ӨСІМДІК ӨСІРУДЕ

smarttop

РЕСПУБЛИКАДАҒЫ ЖЫЛЫЖАЙЛАРДЫҢ 71% ТҮРКІСТАН ОБЛЫСЫНДА

smarttop

Пікір қалдыру