Қала әкімі М.Әйтенов қалаға іргелес жатқан Тоғыс тұрғындарына барып халықпен кездесті. Елді мекенде жаңғыртылып жатқан инженерлік инфрақұрылым құрылысын тексерді.
Қазіргі таңда мұнда 7500-ге жуық халық тұрады. Мектеп, балабақша, мәдениет үйі, дәрігерлік амбулатория, спорт және балалар ойын алаңшасы, тағы да басқа әлеуметтік нысандар қарастырылған. Осы орайда халық жағдайын жақсарту мақсатында инфрақұрылымдық жүйесін қолға алуда.
Тоғыс тұрғын алабында алайда атқарылуға тиіс біршама жұмыстар бар екендігіне көз жеткізді. Солардың бірі — ұңғыма салу. Бұл өз кезегінде Тоғыс, Айнатас, Елтай елді мекеніндегі 11 мыңға жуық халықты ауыз сумен қамтамасыз етуге септігін тигізеді. Қазіргі таңда құрылыс жұмыстары қарқынды жүруде . Тоғыстан 73 метрлік су ұңғымасы қазылып, болат құбырлар салынуда. Электр жүйесінің халықты қамтамасыз ету барысындағы нәтижелі жұмысты көру. Тоғыс тұрғын алабының халқына жауапты мекемелерге тапсырмалар берілуде.
Айта кетерлігі, бұл су ұңғымасы қосымша ұңғыма ретінде жаз айларында қолдану үшін керек.
Қала әкімі тексеру барысында жұмыстың белгіленген мерзімінен кешікпей, сапалы орындалуына күш салуымыз қажет деп, жауапты мекемелерден нәтижелі жұмыс көрсетуін талап етті.
Жалпы Тоғыс жұрты ауыз судан тапшылық көрмеген. Қамтылу көрсеткіші 98,5 % құрайды.
Сол сияқты электр жарығын тұтынушылар да 99%. Биыл 11 абонентті жарықпен қамту үшін жаңадан бағаналар орнатылып, электр желілері тартылды.
Табиғи газбен қамтылу көрсеткіші де 98% құрайды, тек жаңақұрылыс аумағындағы 31 тұтынушының мәселесін шешу үшін келесі жылы жобалық сметалық құжаты әзірленеді.
Мұндағы жолдарға да аса назар аударылуда. Былтыр 2 көше “Ақмая”мен “Айыршық” орташа жөндеуден өтсе, биыл 4 көшеге асфальт төселді. Жалпы мұнда 18-көше бар.
Сонымен қатар осы жылы 2 көше “С.Оспанов” және “Мұнайбарлаушылар” көшесі жарықтандырылды.
Шымкент қаласы әкімдігінің баспасөз қызметі
