Басқарма басшысы жаңа брифинг алаңының іске қосылғанын, брифинг орталығы кең залда, заманауи жабдықталғанын және алдағы уақытта журналистер үшін кез-келген уақытта жиналып пікір алмасатын ашық алаңға айналатынын айтып өтті.
Сондай-ақ басқармасының 2022 жылы атқарылған жұмыстары мен қаладағы ең өзекті мәселелермен, қоғамдық-саяси ахуалы, үкіметтік емес ұйымдармен байланыс, этносаралық қатынастар, ақпараттық саясатты жүргізу, жастар және отбасы саласы бойынша жұмыстарына тоқталды.
Еліміз үшін тұрақтылық бірінші кезекте тұрғанын, қазіргі уақытта қалада қоғамдық-саяси жағдай тұрақты және орта мерзімді перспективаға оң болжамдалатынын айтты
Мұнан өзге мемлекеттік ақпараттық саясатты 8 телеарна, 1 радио, 24 газет және 44 интернет-ресурстармен жүргізілетінін, жыл басынан республикалық және жергілікті БАҚ-та 61 327 мыңнан астам, әлеуметтік желілерде (Facebook, Instagram) – 93 853 түрлі бағыттағы материал жарияланғанына тоқталып өтті.
Оның ішінде телеарналарда – 21 516 (республикалық – 235), мерзімді басылымдарда – 13 731 (республикалық – 536), интернет-ресурстарда – 26 080 (республикалық — 716), материалдар жарияланған.
Бұдан өзге жергілікті телеарналарда қоғамдық-саяси бағыттарға арналған 12 тақырыпта – 282 телебағдарлама, «Арнайы шығарылым» айдарымен қаланың инфрақұрылымы мен қаланың тыныс-тіршілігі туралы 816 сюжет шығарылды.
Аудан әкімдері және салалық басқарма басшыларының атқарған жұмыстары мен алдағы жоспарларын тұрғындарға хабардар ету мақсатында жыл басынан – 146 баспасөз брифингі және 99 баспасөз туры ұйымдастырылды.
БАҚ-та және әлеуметтік желілерде тұрғындардың түрлі салаларға қатысты жарияланған өзекті мәселелеріне бойынша тұрғындардың 5 389 өтінішінің әкімдік басқармалары мен аудан әкімдіктеріне қатысты 4 596-ы жедел жолданып, оның ішінде 70 пайыздан астамы дер кезінде шешімін тапты.
Шымкент қаласында 14-29 жас аралығындағы 245 178 жас бар. Бұл — қала тұрғындарының 21,7% құрайды (Абай ауданы – 67 435 жас, Әл-Фараби ауданы – 47 323 жас, Еңбекші ауданы – 70 393 жас, Қаратау ауданы – 60 027 жас).
Қалада 8 жоғары оқу орнында 75 мыңнан астам студент 290-ға жуық мамандық бойынша білім алуда.
Жыл басынан бері 32 000 жуық жасқа аудандық жастар ресурстық орталықтары қызмет көрсетті. Сонымен қатар, түрлі әлеуметтік бағыттар бойынша 380 іс-шара ұйымдастырылып, оған 160 мыңға жуық жас қамтылды.
