Үшінші мегаполис тұрғындары мен қала қонақтары жаңа жылдық мерекелік концертті тамашалады. «Қош келдің, Жаңа жыл!» атты салтанатты іс-шараға елімізге танымал өнер жұлдыздары қатысты.
Мерекелік бағдарламаны «Байдың балалары» көңілді тапқырлар клубының мүшелері жүргізіп, әзіл-қалжыңдарын сыйлады. Концертте Майра Мұхамедқызы, Тамара Асар, Төреғали Төрәлі, Еркін Нұржанов, Наркенже Серікбаева, Заттыбек Көпбосынұлы, Қайрат Түнтеков, Shiza, Qali, Rise, Бейбарыс, Сағын Өмірбайұлы, «Жұмыр қылыш», «FM» тобы қатысып, өнерлерін көпшілікке паш етті, шымкенттіктер мен қала қонақтарын мерекемен құттықтап, ізгі тілектерін арнады.
Әл-Фараби алаңында сағат 21:00-де басталған концерт соңы мерекелік отшашуға ұласты.
«Шымкент келбеті»
Фото – Серік Қосаев