Шымкент қаласындағы Нұрсәт шағын ауданы тұрақты әрі, сапалы электр қуатын тұтынуға мүмкіндік алды. Бұған дейін шағын аудан тұрғындары уақытша тартылған электр желісін қолданып келген еді. Ал қазір «Солтүстік» 110/10 кВ қосалқы станциясы арқылы тұрақты электр көзіне ауыстырылды. Тапсырысқа сәйкес мердігер мекеме 42 шақырым кабель желісін тартып, 2 электр тарату бекеті, 4 электр трансформатор орнатылды. Сондай-ақ, қолданыстағы 12 электр трансформаторларының ішкі жабдықтары ауыстырылды. Нәтижесінде 72 көпқабатты тұрғын үй, 11 әлеуметтік нысандар сапалы электр қуатымен қамтылғанын хабарлаймыз. Шымкент қаласы әкімінің баспасөз қызметі
НҰРСӘТ ШАҒЫН АУДАНЫНА 4 ЭЛЕКТР ТРАНСФОРМАТОРЫ ОРНАТЫЛДЫ
