28 маусым – Бұқаралық ақпарат құралдары қызметкерлерінің күніне орай Шымкент қалалық соты бірқатар журналистерді кәсіби мерекемен құттықтады. Жиынды Шымкент қалалық сотының қылмыстық істер жөніндегі сот алқасының төрағасы Бәйдібек Дүйсебеков жүргізіп, қаламгерлер қауымына Шымкент қалалық сотының төрағасы Әділхан Шайхисламовтың жүрекжарды лебізін жеткізді. Құрметті журналистер, бұқаралық ақпарат құралдарының қызметкерлері, кәсіби мерекелеріңізбен құттықтаймыз! Бұқаралық ақпарат құралдары билік пен халық арасындағы байланыстырушы көпір болып табылады және оны қоғамдағы баспасөздің әсерін мойындай отырып, төртінші билік деп атайды. Бұл күшті түсіну қарапайымдылық пен оқырман алдындағы міндет сезімімен үйлесуі керек. Қай уақытта болмасың, журналистер жоғары деңгейдегі дәлдік пен бейтараптықтың, сондай-ақ әділ ойын ережелерін сақтаудың арқасында мойындауға ұмтылды.
«Газет – халықтың көзі, құлағы һәм тілі» – деп жазған Ахмет Байтұрсынов, қазақ қоғам қайраткері.
Қазақ ақыны Міржақып Дулатов: «Қай елдің баспасөзі мықты болса, сол елдің болашағы мықты», – деп атап өтті.
Қазіргі әлемде бұқаралық ақпарат құралдарының рөлі өте зор. Журналистер ел өмірінің маңызды оқиғаларымен және құбылыстарымен таныстырып қана қоймай, қоғамдық пікірді белсенді түрде қалыптастырып, сындарлы күштердің бірігуіне, ізгілік пен әділеттіліктің шынайы мұраттарын бекітуге ықпал етіп келеді. Ақпараттың шынайылығы мен объективтілігі, принциптілігі, жеделдігі және бейтараптылығы, үнемі оқиғалар ортасында болуға деген ұмтылыс, адамдарға көмектесуге дайын болу — бұл тамаша қасиеттер біздің баспа және электрондық басылымдарымыздың лайықты жетістіктерінің құрамдас бөлігі. Журналистеріміз алдыңғы толқын қаламгерлердің даңқты дәстүрлерін жалғастырып, оқырманмен немесе көрерменмен кері байланыс орнатуда. Осыған байланысты оқырмандарды толғандыратын сұрақтарға университет басшылары мен ғалымдарының жауаптарын кез-келген уақытта ала алады. Бұқаралық ақпарат құралдары қызметкерлерінің еңбегі өте күрделі және жауапты, өйткені олардың қолындағы — сөз, жер бетіндегі ең қуатты қарулардың бірі. Біз бұл жұмысты әрдайым бағалаймыз.
«Шымкент келбеті»
