Түркістанда Наурыз мерекесіне орай ақсақалдардың бата беру іс-шарасы өтті. Игі шара Түркістан облысы Қоғамдық даму басқармасына қарасты «Қоғамдық келісім» КММ-ның қолдауымен ұйымдастырылды. Рухани құндылығы мол жиында Түркістан қаласының құрметті ақсақалы Қуанышбай Өтепберген, Түркістан облысы Ардагерлер кеңесінің төрағасы орынбасары Есалы Нұржанов, Түркістан облыстық тәжік этномәдени бірлестігінің төрағасы Юлдаш Султанов, Түркістан облыстық Аналар кеңесінің төрайымының орынбасары Гүлсара Тоққұлова ел бірлігін нығайту, ұрпақ тәрбиесі жайында салиқалы сөз қозғап, ақ баталарын берді. Шара шеңберінде «Этноауыл» аймағында этнос жастары арасында асық атудан сайыс өтті. Жарысқа белсене қатысқан мектеп оқушыларына Алғыс хаттар мен кәдесыйлар табысталды. Құндылығы мол шара «Түркістан» телеарнасы арқылы тікелей эфирде ел назарына ұсынылды.
ТҮРКІСТАН: «НАУРЫЗ БАТА» ДӘСТҮРІ ДӘРІПТЕЛДІ
