22 маусым – тарихымызда қаралы күндердің бірі. Бұл – Екінші дүниежүзілік соғыс басталған күн, миллиондаған адамның тағдырын өзгерткен, елдің еңсесін түсіріп, қайғы мен қасірет әкелген ауыр кезеңнің бастамасы. Осыған орай елімізде жыл сайын бұл күн – Аза тұту күні ретінде аталып өтеді. Биыл 22 маусымда біз де атаулы күнді еске алып, Ұлы Отан соғысында қаза тапқан жауынгерлердің рухына тағзым ету мақсатында екі бірдей ескерткішке гүл шоқтарын қойдық. Бұл – өткенге деген құрметіміздің, бүгінгі бейбіт өмірдің бағасын білудің белгісі. Гүл қою рәсіміне ардагерлер және жергілікті қауым өкілдері қатысты. Шара барысында бір минут үнсіздік жарияланып, соғыста қаза тапқан ерлердің рухына тағзым етілді. Бұл – кейінгі ұрпақтың тарихи жадыны ұмытпай, бейбіт өмірдің оңай келмегенін ұғынуына үлкен үлес қосатын сәттердің бірі болды. Бүгінгі ұрпақ үшін бұл күн – тек қаралы күн емес, сонымен бірге батырлық пен ерліктің символы. Ескерткішке гүл қою арқылы біз соғыс ардагерлерінің ерлігіне бас иіп, олардың ерлік жолын мәңгі есте сақтайтынымызды білдіреміз.
Бұл іс-шара жай ғана рәсім емес, ол – жүректен шыққан алғыс пен мәңгілік естеліктің белгісі. Қан майданда жанын қиған боздақтардың рухына тағзым ету – әрбір ұрпақтың парызы. Сол боздақтардың ерлігі мен батырлығының арқасында біз бүгінде бейбіт аспан астында өмір сүріп отырмыз. Шара соңында ардагерлерге жылы лебіздер айтылып, патриоттық әндер шырқалып, өлең оқыды. Жас буынның белсенділігі мен ізгі ниеті бәрімізді қуантты. Бұл – тәрбиелік мәні зор, ел тарихына деген құрметті арттыратын тағылымды сәт болды. Аза тұту күні – өткенді ұмытпау, тарихтан сабақ алу және болашаққа бейбіт көзқараспен қарау күні. Бұл шара – соның айқын көрінісі. Қанша уақыт өтсе де, ерлік пен батырлық ұмытылмайды.
Мұндай шаралар жас ұрпақтың жүрегіне патриоттық рухты ұялатып, олардың ел тарихына деген құрметін арттырады. Батыр бабаларымыздың рухына құрмет көрсету – бүгінгі ұрпақтың борышы. Бүгінгі тыныш өмір, бейбіт таң сол боздақтардың жанкешті күресінің нәтижесі екенін ұмытпаған жөн. Сондықтан 22 маусым – тек өткенді еске алу ғана емес, елдің ертеңі үшін жауапкершілік сезімін оятатын тағылымды күн. Мұндай шаралар арқылы біз тарихты тірілтіп қана қоймай, болашаққа берік негіз қалдырамыз.
Social project management орталығы
